Shillong, Kyllalengkot 02: Ka seng Meghalaya Transport Corporation worker Union (MTCWC)mynta ka sngi kila beteng biang ia ka jingiakhih ka jong ki ban dawa na ka sorkar jylla ba ka dei ban ai noh ia ka hok jong ki nongtrei ka MTC ia ka tulop kaba dang sah lai bnai mynta la ong u Secretary R Rumnong.
Haba kren ha ki ladpathai khubor u la ong ba ia ka tulop jong ki ar bnai la ioh ha ka 28 tarik jongu bnai Nohprah, kaba sah mynta ka dang long s alai bnai ka sorkar ka dei ban ai noh ia kane ka tulop jong ki.
La ong ba kane ka jingiakhih ka jong ki kam dei eh tang ia ka tulop hynrei ka dei ia ka bainong tynmen jong ki ruh ynda kila shong thiat ia kaba la tip kum ka Gratuity . Ka jingkhien ha kaba ia dei bad kane ka long beit ka Basic bad DA ia kane la leh baroh shikatta hynrei kane ka Managing Director kaba mynta ka ong ban khien thymmai da kumnwei pat ia kaba kim tip.
La ong ba lada ia ka MTC la juh wan long teng ki IAS bad ki IPS kum ki MD, ki shim ia ka juh ka jingkhien kane ka MD kaba mynta kaba dang shu wan tang lai saw bnai kala kwah ban tuklar ia kane ka kam ka long kaba ki lah ban pdiang ka jingkhien ka dei ban long beit kumba long mynshuwa.
Haba ia dei bad ka Employee Provident Found (EPF) naduh u snem 2011 haduh mynta kim shem la ioh ia ka jingkhien namar b aka MTC kam shym la thep ia ka bhah ka jong ka, hynrei ka jingkhate na ka tulop jong ki nongtrei ka long man u bnai, sha ei ka buh ia kane ka pisa. Ki don kiba la shong thait tang ban sei ia kane ka pisa jong ki ruh kim ioh.
Kum ka Union kala dawa ba ka sorkar ka dei ban weng noh ia kane ka MD kaba mynta, kin ap ruh aiu ka Management jong ka MTC kan ong halor kane ka jingdawa ka jong ki bad lada kim khot ban ia kren ne em bad ki apor haduh ka saw tarik mynta u bnai bad lada kim khot ban ia kren naduh ka san tarik kin sangeh syndon ka jingtrei kam ka jong ki.
