Shillong, Nailur 21: Ka jingdawa ban buh ATM hapoh Mawsynram jong ka Meghalaya Co-Operative Apex Bank Ltd. Ki paidbah nongshong shnong jongka thaiñ Mawsynram Block kynthup naduh ki jaidbynriew Khasi, ki Garo bad haduh ki Hajong kiba bun kiba kynshew pisa lyngba ki Bank Account jongki hapoh ka Meghalaya Co-Operative Apex Bank Ltd. (MCAB) Mawsynram Branch.
Ki paidbah kila iakynduh ia shibun ki jingeh ha kaba iadei bad ka jingiaid jongka kapor na ka bynta ban thep ia ki Pisa jongki shimet kumjuh ne ban sei ia ki Pisa tyngka ha kapor ba ki donkam kyrkieh ne wat ruh tang ban update ia ki Bank Passbook jongki ruh kumjuh, da kaba kin hap ban ieng ia u Line haduh da ki por ba jrong ba hap ban shong ne ieng hajuh.
U Bah Banshai Marbaniang uba long u nongtreimon sngewbha hapoh la kajong ka Jylla lyngba katei ka Thaiñ haba iohi ia kane ka jingjia nga la ioh ban iakynduh ia ki katto katne ngut ki nongtrei jong ka MCAB Mawsynram Branch ban pynsngew hakhmat jongki bad nakaliang jongki ruh ki la pynpaw bad pdiang ia kane ka jingjia namar ka jingduna ki Nongtrei bad la bun ki Customers.
Ki paidbah kin hap ban ieng ia u line uba jrong da ki kynta khamtam eh ha kapor jongki sngi longiew longhat ne wat hapor ba kin wan ban shim dawai ruh kumjuh, ha kaba bun ki paidbah na kylleng ki Jaka sawdong ki wan khamtam haba pyrkhat naduh ki thaiñ Border Bangladesh ruh kumjuh.
Ki nongtrei jongkatei ka Bank khamtam nakaliang jong u Cashier u la pynpaw ba ka MCAB Mawsynram Branch ka la kot haduh kumba 70 Hajar tam ki Nongkynshew Pisa kylleng naduh ki thaiñ Tyrsad shaduh Ranikor C&RD Block, kynthup ruh kumjuh naduh ki Job Card Holders kiba ioh kam lyngba ka MGNREGA jongki VEC bapher bapher jongka Mawsynram C&RD Block.
Khlem da pynslem nakaliang jong nga u Bah Banshai Marbaniang nga la ioh ban iakynduh markhmat bad u Bah O. Nongbri uba long u Managing Director (MD) uba heh jong ka MCAB Head Office Shillong bad nga la pynpaw ba la donkam kyrkieh ban buh noh kawei ka kor Automated Teller Machine (ATM) hapoh ka shnong Mawsynram.
Khnang ban wanrah ia ka jingpynsuk ia ki paidbah kiba bun jong katei ka thaiñ bad ruh namar ba katei ka thaiñ ka dei kawei na ki thaiñ kaba long pdeng na bynta ki paidbah kiba shong ha kiba bun tylli ki shnong ban iaid lyngba katei ka jaka.
Kumta halor katei ka jingeh kaba la iakynduh da ki paidbah, na ka liang jongnga kum uwei na ki nongtreimon sngewbha nga hap ruh ban bynrap lang ia ka jingdawa kaba jur na ki bor jongka MCA Bank Ltd.
kiba don halor ba dei ban pynbiang noh ia ki kor ATM ha manla ki Branch jongka MCAB kumba long lem ha kiwei ki jaka, khnang ba kan pynsuk ia ki paidbah kiba kynshew pisa lyngba ki Account jongki bad ruh kiba donkam ban sei pisa kyrkieh.
