Shillong, Jylliew 14: U Bah Robinus Syngkong MLA u ba bat ruh ia ka kam parliamentary secretary ha kane ka sorkar jong u Dr Mukul Sangma u la kynnoh ba ka jingsah kut jong kane ka kam dewiong ka dei na kajinglehsting jong ka sorkar jylla.
Kum u nongmihkhmat paidbah u la wad kilad ki lynti kumno ban pynlait ia ka jingeh kaba ka jylla ka ia kynduh namar ha kane ka jylla ka jingmih na ka bynta ki paidbah dei tang na ka kam tih dewiong, ka jingkwah jong u ka long ba kane ka kam tih dewiong ka dei ban leit khnang ba ki briew kin im.
U la ong ba ka dei ka jingshisha ba ki la leit ban ia kynduh ia u myntri ka sorkar pdeng u ba dei peit ia ki kam dewiong bad ia u myntri khynnah ka tand kam poh iing ka sorkar pdeng ki Kiren Rajiju ban ia kren ia ki ba kin pynlait lem ia kane ka kam khang tih dewiong ha kane ka jylla kaba la leh da ka NGT.
Halor ka jingkynnoh ba ki kwah ban leit BJP ka long kaba bakla, kam don ka jingthmu kaba kum kata, haba ka sorkar kam shym la shim khia ia kane ka kam khang tih dewiong kum ki nongmih khmat paidbah kim ban se ban wade kilad ki lynti, ha ka jingleit ban ia kren bad kitei ki heh jong ka BJP la leit lang u Bah Stephanson Mukhin, Bah Thomas Nongtdu bad ki trai jong ki kar khana dewbilat namar khlem dewiong kan eh ia ki karkhana ba kin pyniaid, laong u Bah Syngkon.
