Shillong, Lber 24: Ka jingpynbha ia ka surok na Mawphlang sha Weiloi kala suki palat wat la ka jingtrei kala iaid mynta la shisnem tam da shu dep tang ban tih pynheh ia ka surok bad ka jingsiang rong ka dang poi tang ha langiong.
Ki nongleit nongwan na kane ka surok ka kyntup ia ka thain Mawsynram baroh kawei, bad ka South West Khasi Hills District baroh kawei kaba kyntup ia ki saw tylli ki MLA Konstitwensi, ka Mawphlang, Mawsynram, Mawkyrwat bad ka Ranikor.
Bun na ki paidbah kiba iaid na kane ka surok kila kwah ba kitei ki saw ngut ki MLA kiba dei na ka party UDP kiba don lang ha ka sorkar ba kin ia kren bad ka sorkar ban bthah ia ka kontraktor ban pynkloi ia kane ka jingtrei.
Na ka liang jong ki paidbah kila ong ba ka jingsiang rong kan long sa tang da wan biang ka tlang namar mynta kala dei ka por slap, k jingsiew kane ka surok ka long naduh Langiong sha duh Weiloi ia mynta.
