Shillong, Lber 13: U bah Ronnie V Lyngdoh nongialam ka liang pyrshah hapoh ka iing dorbar thawain ka jylla la ong hato don ei ei sha lyndet hapdeng ka TMC bad ka BJP kaba la pynlong ia kan nym lah ban ia trei lang bad ka kynhun INDIA pyrshah ia ka BJP.
U bah Ronnie u la ong ba ka jylla West Bengal ka don 42 tylli ki MP konstitwensi bad ka jylla Meghalaya ka don tang 2 MP konstitwensi, ban kynnoh ba ka Congress kam pa ia ka TMC ka long kaba bakla, hato kham kor ki 2 tylli ki seat ha Meghalaya ban ia ki 42 tylli ki konstitwensi ha West Bengal.
Kumba ka paw ka long ba ka TMC kam kwah ban ia treilang bad ka Congress, na k liang jong u nongialam ka Congress u la kynnoh ba imat ka don ka jingiasngewthuh jingmut hapdeng ka TMC bad ka BJP, balei ka TMC ka dei ka kynhun jong ka kynhun INDIA kan lah ban ia treilang bad ka Congress ha West Bengal lada ki la leh ha West Bengal ha Meghalaya kin leh kum juh.
Kumba ka long ka BJP ka sngewthuh bha ba ha West Bengal don shibun ka vote jong ki rit paidbah, kumba ka long mynta ki paidbah ki hap ban sngewthuh ban pynneh pynsah ia ka riti synshar paidbah ban ioh ia ka jingsynshar kaba laitluid la ong u nongialam ka Congress.
