Shillong, Naitung 11: ka tand ka thew ka who jong ka sorkar Meghalaya ka kamram jong ka ka long ban iada ia ki nongthied nongpet na ka jingshah thew shah who duna ha ki nongkhaii. Ka kamara jong kane ka tand sorkar ka long ban peit ba ki jingthew jingwoh baroh ha ki dukan ha iew ha hot ki dei ban long kiba biang bad kiba la da ioh ia ka certificate na kane ka tand sorkar.
Na ka liang jong kane ka tand sorkar ka peitngor bha ia ki nongkhaii kiba ialeh ban pyrshang ban thew thok ia ki nongthied nongpet na ki dukan jong ki, la ong u Direictor ha u SP News Agency. Ban ia leh ia kane ka tand sorkar marwei kan lah ban leh ei ei ka don kam ia ka jingiatreilang jong u paidbah. Ki paidbah ki dei ban wan sha khmat ban pyntip sha ki bor ba dei peit lada ki sngew ba kila shah thok ha ki nongkhaii ha ka thew ka who.
Ha baroh ki khatwei tylli ki District na liang jong ka tand kala dep buh ia ki tnad trei kam jong ka bad khamtam eh ia ki laboratory ban peit bniah ia ki jingdie jingthied la ki biang ne em ka thew ka who ia ki mar ki matta kiba hap hapoh ka jingpeit ka jong ki.
Na ka liang jong ka department ka ialeh katba lah ban iada ia ki paidbah na ka jingshah leh thok ha ki nongkhaii hynrei ka jingeh kaba ka ia kynduh ka long ba ia mynta na ki khatwei tylli ki District ki don tang khyndai ngut ki inspector ha ka jylla baroh kawei,kane ka la buh ia ki ha ka jingeh ban pyndep ia ka kam ka jong ki.
Wat hapdeng kane ka jingduna briew ha ka kam, hynrei tang mynta u snem kila lah ban pynshitom ia ki 150 ngut ki nongkhaii kiba la pyrshang ban thok ia ki paidbah nongthied nongpet. Na ka liang jong u Director jong kane ka tand u la ong ba ki paidbah kidei ban wan sha khmat ban iarap lem ia kane ka tand sorkar ban ia leh pyrshah ia kane ka jingshah thew shah who bakla ha ki nongkhaii. Lada ki nongthied nongpet ki sngew ba ka jingthew jingwoh ka biang ki dei ban ujor sha kane ka tand sorkar.(SP News)
