Shillong, Risaw 02: Ka balang katholik kala buh kyrpang ia une u Naiwieng ban kynmaw burom ia baroh ki mynsiem jong ki para ba ngeit kiba la khlad noh ban duwai kyrpang ia ki ka mynsiem ka jong ki ba kin ioh ia ka jingjah thait bym juh kut ha bneng.
Kum ka Balang mynta ka sngi kala pynlong ia ka jingleh niam ha u Lum jingtep jong ka u ba don ha Laitumkhrah bad ha baroh ki pariah ha kane ka jylla Meghalaya bad ha kine ki sngi kiba but ki nongkit kam balang ryngkat ki lyngdoh kin leit sha baroh ki shnong kiba hap hapoh ka parish jong ki ban kyrkhu a ki lum jingtep.
Kane ka jingbuh kyrpang ia une u Naijylliew ban duwai kyrpang ia ki mynsiem kiba la khlad noh ba kum ka balang ka ngiet ba ioh leh se ki mynsiem ki ba la khlad noh ki dang don kami a ka jingduwai jong ki par aba ngiet kiba don ha kane ka sla pyrthei ba kin ioh ia ka jingpynkhuid shuwa ba kin ioh ia kata ka jingjahthait bym juh kut.
Hapoh kaneka jylla niam bah Arch Diocese Shillong kala sdang mynta ka sngi na parish Laitumkhrah bad ha kiwei ki parish kiba donha kane ka nongbah Shillong ka jingkyrkhu ia ki lum jingtep kan long ha ka sngi u blei. Ha kane ka sngi da ki hajar ki riew ngeit jong ka balang Katholik kila ia leit ban buh syntiew ban duwai kyrpang ia kiba ha iing ha sem kiba la leit ha shuwa jong ki.
