Shillong, Iaiong 13: Ka executive Committee khleh khawlang hapoh jong ka Khasi Hills Autonomous District Council kaba la ialam da ka seng HSPDP ha kaba u Bah Ardent M Basaiawmoit kum u CEM ka lah ban don ka jingbujli nongialam ha dien ba la dep ban pynbna ia ka result MP ha u bnai ban wan.
Ka seng United Democratic Party (UDP) kaba dei kawei na ki lai tylli ki seng kiba bun eh ki MDC ba don lang ha kane ka EC kaba mynta hapoh jong ka KHADC kam sngew tynnad ia ka jingleh jong ka HSPDP bad ka KHNAM ha kaba ki khlem kyrshan ia u kyrtong ka seng u Bah Paul Lyngdoh ha ka MP elelction kaba dang shu dep shen.
Ha ka juh ka por ki lad khubor ba ia jan bad ka seng UDP kila pynsngew ba kum ka seng kam kwah ban weng ia lade na ka EC hynrei ka kwah ban don ka jingkylla ha u nongialam. Ka UDP ka da kwah eh ba ki seng riewlum kin bat ia ka jingsynshar ha KHADC.
Na ka liang jong u MDC ka Mawlai u Bah PT Sawkmie u ba la long teng ruh u myntri hapoh jong ka sorkar jylla mynshuwa ym hun ia ka rukom bate kam. Ka jingmih pyrthei ka Dr Fanela L Nonglait ban kyrshan ia u Bah Paul kyrtong ka UDP ha kane ka MP Election kala wanrah ia ka jingia sngewpher jingmud hapoh ka seng HSPDP kaba ialam ia ka EC.(SP News)
