Shillong, Kyllalyngkot 25: U Myntri rangbah ka jylla Meghalaya u Conrad K Sangma u la ong ba kane ka jingiaid paidbah mynta ka sngi u don ka jingkyrmen ba kan wanrah ia ka mynsiem ieit ia ka la jong ka jylla bad ka jingsngew ba dei ki paidbah jong ka jylla Meghalaya bad kum juh kum ki nong India.
Kane ka jingiaid paidbah mynta ka sngi ka long ban pyni paidbah iala ka jong ka riti ka dustur jong ki paidbah jong kane ka jylla Meghalaya bad kum juh ki briew jong ka dong shatei lam nig jong ka Ri India, la ong u mytnri rangbah ka jylla ha ka jingkren shuwa ban sdang kane ka jingiaid paidbah ban pynia ia ki jong ki tynrai.
Ka jingiaid paidbah kala sdang na Madan Iewrynhep Laitumkhrah bad la pynkut hapoh State Central Library, u myntri rangbah ka jylla u Cornad K Sangma, ka Deputy Commissioner jong ka East Khasi Hills District ka kong Matsiewdor War kila ia iaid lang haduh Dhankheti da ka kjat.
Ha kane ka sngi ia ka jingiaid paidbah la ialam da ka kynhun bala riam shad khasi, ka raim sha Garo, ka riam tynrai jong ki jaidbynriew Nyishi na ka jylla Arunachal Pradesh, ka riam shad tynrai jong ka Ri War Jaintia, ka riam shad tynra ki pnar kaba la tip kum ka shad sukra.
Kiwei ki jaid bynriew kiba la wan ban ia shim bynta ha kane ka jingpyni ia la ki jong ki riam, ka dei ka riam Bihari, ka riam tynrai Nepali, Assamese bad ki samla pulit jong ka IIM Shillong. Baroh ki nongwan ia shim bynta ha kane ka jingiaid paidbah ban pyni iala ki jong ki tynrai kala tam ia ka shihajar ngut, ia kane ka jingiaid paidbah la pynbeit da ka tnad pynneh pynsah riti dustur ka sorkar jylla.
