Shillong, Lber 24: Ha dien ba la iohia ka jingtip kaba bniah ki shipai BSF bad ki Pulit jong ka jylla Meghalaya kila pynlong ia ka khynra ha kawei ka khlaw kaba don ha Gumaghat ha South West Khasi Hills District ha khappud bad ka Bangladesh bad la ioh ban kurup ia ki tiar siat bala buhrieh ha par mawshun.
Ha kane ka jingkhyra kila lap ia kawei ka song byrni plastik bad na kane ka song la lap 92 tylli ki kuli kiba khlem pat pyndon kam kiba dei ki kuli 5.56 mm, 129 tylli kiba dei jong ka 7.62 mm, 160 tylli kiba dei jong ka 9mm, la ong ba kum kine ki jingioh kurup na katei ka thain la lap ruh ha ki por myshuwa.
Na ka liang ki shipai BSF ki don ka jingsuba ba ia kum kine ki tiat siat lah ban pyndon dam da ki seng lehnoh lane ki kynhun nonglute ha katei ka thain, kane ka jaka kaba ki lap ia kine ki tiar sait ki dei tang 900 meter na khappud Bangladesh.
Haba ia dei bad kane ka jingioh kurup ia kine ki tiar siat mynta ka sngi la ujor da ka ejahar ha Gumaghat bad ki pulit, na ka liang jong ki BSF kila trei shitom ban lap ia kum kine ki kam sniew kiba la buhrieh da ki riew sniew ban leh ia ki kam sniew.
