Shillong, Iaiong 08: Ha ka jingiatreilang ha pdeng ki shipai BSF bad ki pulit jong ka jylla kila ioh ban kurup haduh 30,000 kilo u shini na khappud bad ka Bangladesh ha South Garo Hills District ia kaba la buh rieh ban phah sha Bangladesh.
Ki shipai BSF bad ki Pulit jong ka jylla Meghalaya ma ia ioh ia ka jingtip na ki 01 battalion jong ki BSF bad ka kynhun shipai na 200 Battalion ryngkat ki pulit kila pynlong ia ka jingkhynra ha khappud bad ka Bangladesh.
Ha kane ka jingkhynra kila lap ia ki byrni shini kiba la la buhrieh hapoh khlaw kiba ym don ban kam, ia kine ki shini la kurup bad la aiti sha ki pulit ban leh ia kaba don kam ban pynlong ia ka jingtohkit.
Kane ka jingioh ban kurup ka long ba ka don ka jigniatreilang hapdeng ki shipai BSF bad ki Pulit jong ka jylla ban ia khun pyrshah ia ki kam khaii beain ha khappud kaba ktah ia ka ioh ka kot jong ka Ri.
