Jowai, Nailur 11: Ban pynneh pynsah ia ka shongsuk shong sain hapdeng ki jaid bynriew bapher bapher kiba shong bas ah ha khappud ka jylla Assam bad Meghalaya ha ki bynta jong ka Block one, ki bynta jong ka Khanduli, la thaw ia ka ‘Karbi-Pnar Peace Committee’ ban peit ba kine ki ar kynhun kin i aim ha ka jingsuk.
Kane ka committee kala la ia kynduh ha ka sngi saitjain ha Amhi IB kaba dei ka iing sorkar jong ka tand khlaw jong ka sorkar Assam. Ha dien ka jingiakren kaba la neh katto katne por, la shim ia ka rai ban buh teng shuwa bad ban ia kynduh ha ka balang ha ka juh ka jaka por 11 baje mynstep.
Na ka liang jong ki Karbi la mih khmat da u president ka seng u Hanse bad san ngut kiwei pat ki dkhot bad n aka liang jong ki Pnar la ialam da u Bah Shwom Lyngshiang , president, la don lang u Bah B Ksair rangbah shnong ka Khandhuli bad lain gut kiwei ki riew rangbah.
