Shillong, Lber 13: U Deputy CEM jong ka KHADC u bah Pynshngian Syiem haba jubab ia ka jingkylli jong u bah Jambor War ha kaba ia dei bad ki san tylli ki jaka kiba ka KHADC ka kam na ka jylla Assam ha u pud u sam ,ka jingkhien kaba la ai ka long 2078.01 kilometer sawdong.
Ki san tylli ki jaka kiba la kam da ka KHADC ki long, ha thain Langpih kaba hap hapoh Wet Khasi Hills District ka long 298.07 kilometer sawdong, ka thain Borduar ha Ri Bhoi District ka long 147.83 kilometer sawdong.
Ka thain Nongwah-Mawtamur ha Ri Bhoi District ka long 137.51 kilometer sawdong, ka thain Desh Doomreah ha thain Ri Bhoi District ka long 484.72 kilometer sawdong, ka thain Block II ha Ri Bhoi District ka long 1,009.88 kilometwr sawdong.
Haba jubab ia ki jingkylli bynrap la ong ba kitei ki jaka, ka Langpih ka hap hapoh raid Mynsaw, Borduar ka hap hapoh ka hima Nongspung bad Nongkhlaw, Nongwah-Mawtamur ka hap hapoh jong ka hima Sohiong bad mynta la pynhap sha Jirang, Desh Doomreah ha hap hapoh jong ka Hima Mylliem bad Block II ha kap hapoh ka Raid Nongtung.
Kine ki jaka baroh ki hap ha ka jingiakren pynbeit pud ka jylla Meghalaya bad Assam ha ka bynta kaba ar, ia ka KHADC la shim ban don lang ha ka Regional Commiteee jong ka sorkar jylla, bad kaei kaba ka KHADC ka iieng kalong halor ka History nalor kiwei ki kyndon kiba ka sorkar kala buh.
