Shillong, Jylliew 06: Ka KSU lynba ki shnat treikam ki jong ka ki la rakhe iaka sngi pynneh Mariang lane ka World Environment Day kaba long ha u 5 tarik u Jylliew 2023. Kumba ju long hi man la u snem ka seng lyngba ki shnat treikam ki jong ka ki la ioh ba rakhe lang bad ka pyrthei kum shi bynta ban pynneh pynsah iaka Mei Mariang.
Lah ban iohi ba ki shnat treikam ki lah leh la ka jong ka bynta ha kaban pynneh pynsah iaka mariang da ki ba bun ki prokram bad shibynta ki prokram lah ban sakhi lyngba ki shnat treikam ka seng ki long:
Ha kane ka sngi ka na ka liang ka KSU NKHD UNIT ha ryngkat ka jingiatrei lang bad ki kynhun Dorbar shnong ki khynnah School bad ki Nonghikai bapher bapher ka la ioh ban leit thung ia ki symbai dieng ha kylleng ki jaka bad ka seng ka la buh ruh ia ki signboard jingmaham ha ki surok .
Ka seng ka la maham ruh ia ki briew kiba mlien ban thang dusmon ia ki khlaw bad ban ber bih ia ki wah papher bapher bad lada lap kiba leh pyrshah ka seng kan sah leh ia kaba donkam.
Ki Kam kiba na ka Liang ka KSU NKHD Unit ka la ioh ban leh lyngba ki Circle ki long, KSU Nongpoh Circle ka la thung 1000 tynrai ki dieng ha ryngkat ki Skul kiba ha Nongpoh.Ka KSU Umiam ka la pynlong ia ka Jingialang ba Lyngkot halor ka jingpynneh Mariang ryngkat ka Skul MEECL Secondary School, Umiam.
Ka KSU Warmawsaw Unit ha ryngkat ka Dorbar Shnong Warmawsaw ka la pynlong ia ka Workshop halor ka jingpynneh Mariang ryngkat ka jingthung dieng. Ka KSU Byrnihat Circle ka la leit ban pynkhuid ia ka Dam Umtrew ha ryngkat ka FKJGP Byrnihat Circle ha kajuh ka por la thung dieng bad la sieh ia ki Signboard jingmaham. Ka KSU Umsning Circle ka la pynlong ia ka Jingthung dieng ha Iew Umsning.
Haba phai pat shatei sha ka West bad East Jaintia hills district ka seng lyngba ki shnat treikam (Units)ki jong ka ki lah sam iaki tynrai dieng ha kaba Ka KSU Wapung Unit ka la rakhe da kaba thung dieng bad daka ba sam ia ki dieng Tynrai sha Ka Dorbar Shnong Wapung Shnong bad sha ka Dorbar Dong Moopyniein, Wapung SkurWapung shnong bad sha kiwei pat ki shnong.
Na ka liang ka KSU Narpuh circle ka la pynlong iaka jing iakop dro dur bad ruh ki ktien phira na bynta ban pynneh iaka mariang kum shibynta ban bsut iaka jingmut jingpyrkhat ha ki briew Kum shi bynta ban ia snoh bad ki ri ka pyrthei baroh ban rakhe ia ka sngi kyrpang pynneh mariang.
Ia kane ka program la leh ha katei ka sngi ha Divine Word Sec. School Lumshnong. Ha kane ka jingiakop Slogan Writing bad Drawing competition la wan shim bynta da ki 6 tylli ki school kiba don hapoh ka thaiñ Narpuh.
Kata ka long, ka Umkiang Holy Cross Hr. Sec. School, Narpuh Modern Sec. School Umkiang, Christian Sec. School Lumshnong, Divine Word Sec. School Lumshnong, KJP Synod School Thangskai bad Chiehruphi Sec. School. Ha katei ka jingiakop la jied 4 ngut ki khynnah na kawei ka school. 2 ngut ki ia shim bynta ha ka jingthoh Slogan bad 2 ngut pat ha ka Drawing.
Ka Theme jong katei ka jingiakop ka long “Ban Tyngkai ia ka Meiri – Sawkun kaba long u Thied bah ka Jingim. Na ka liang ka KSU Jalaphet Unit kum shi bynta ban leh burom ia world environment Day,,khamtam ban kyrsiew bad kyntu ia ki nongshongshnong donkam ban iada ia ki khlaw ki btap ban ioh ka lyer khuid bad ban ioh ruh ia ki jingbam ba bun jait na ka Mei Mariang.
Haba phai pat sha ki shnat treikam ka seng sha South West Khasi hills ka KSU Umpung Unit ka la ioh bn rakhie ia ka world environment day mynta ka sngi bn ngi la ioh bn thung ia ki tynrai dieng kumba 30tynrai bad ha kane ka sngi ha ka jingdon ryngkat lng bad ki khynnah skul bd ki nonghikai ha poh ka skul Lower Primary.
Haba phai pat ha sor shillong bad khap sor ka KSU Lummawbah Unit ka la ioh ban rakhe ïa ka Sngi Rakhe Pynneh Mariang ba la pynlong da ka Sengbhalang ki Kynthei Lummawbah. Ha kane ka sngi la ïa don ryngkat ki nongkit kam shnong, ki Asha ki Aganwadi bad kumjuh ki nongshong shnong.
Lah wan ïa shim bynta ruh da ki khynnah skul na ki skul bapher bapher ba don hapoh ka shnong ban pyn saphriang sha baroh ïa ka jingdonkam ban pynneh pynsah bad ban sumar ïa ka Mei Mariang bad ki sawdong sawkun jong ka.
Ka KSU Mawlai Circle kum shi bynta ban rakhe ia ka Sngi pynneh Mariang ka la pyllong da ka jingthung dieng ha Mawlai Kyntonmassar(Block C) bad Umshing Mawkynroh(Umshingiar) hadien ja jingthung dieng ka la don ruh ka jingpyllait symbai dohkha ha umshing Umsohlang.
Ha kane ka sngi la don ruh .Ha kane ka sngi la sakhi bad ia don ryngkat lang da ki dkhot na ki units bapher² kiba hap hapoh ka jylli treikam jongka Mawlai Circle bad ha ryngkat ki nongialam shnong kyntonmassar.
Ka KSU kan iai im sngi bad da iala ka khyndew ka shyiap bad halor kita ban pynneh pynsah bad ban pynkhuid bad pynsuba iaka. Kane ka long katkum ka kyrwoh kaba la phah da u samla Shiningstar Kharbihkhiew Environment Secretary KSU CEC.
