Shillong, Lber 20: Ki pulit jong ka East Khasi Hills District kila kem lai ngut ki briew halor ka jingjia hapoh ka shnong Mawthlong kala wanrah ia ka huri hura hapoh ka tei ka shnong bad la pynshong syier ia ki nongshong bad ki shnong ba marjan.
Katkum ka kyrwoh kaba la phah na ka tnd pulit la ong ba ha ka miet 18/3/2024 por 12.30 shiteng syniang la kem ia u bah Skerling Pyrtuh 39 snem, u bah Kyntiewnam Pyrthuh na ka shnong Mawthlong bad ia u bah Traibor Lyngdoh 30 snem na ka shnong Nongbsap.
Ha dien bala tohkit na ka liang jong ki pulit kila pynlaitnoh ha ka por 12.00 baje shiteng sngi ka 19/3/2024 ia kitei ki lai ngut ki rangbah ha dien bala bah jamin bad ka jingpynlait jamin ia ki ruh ka long ha dien ba ki pulit kila pynlong ia ka jingtohkit kaba bniah ia kine ki lai ngut la tohkit ha ka rukom kaba biang.
