Tuber Naitung 21:Ka jinglehnian Behdieñkhlam Tuber kaba juh long man u snem kaba la sdang naduh 18 tarik mynta u bnai la pynkut noh mynta ka sngi ha pdeng ka jingphuh jingphing mynta ka sngi kaba la pynsahnud ia kiba bun balang kiba la wan ban sakhi ha kane ka sngi ha ryngkat ka jingdonlang.
U Bah Sngewbhalang Dhar Minister ka tand shna surok uba long kum u kongsan ,U Bah Justine Dkhar MLA ka thain kum u synbud kongsan ,u Bah Hopefull Bamon MLA Sutnga ,U DC ka East Jaintia District u Bah W.S Lyngdoh ,Ki MDCs ,ki Rangbah Raij jong ki Raij bapher bapher bad shibun kiwei pat ki riew Rangbah.
Ha kaba ia dei bad kane ka Behdieñkhlam jong u mynta u snem la ioh ruh ban pyni paidbah haduh 66 tylli ki Rong na ki Raij bapher bapher ha kaba la wan ban sakhi ia kane ka lehniam Behdeinkhlam da ki phew hajar ki paidbah na kylleng jong ka thain East Jiantia Hills bad shibun ki briew kila wan ban ia shim bynta na kylleng sawdong.
Ki khun ka Niamtre ha ryngkat ki bom ki ksing bad ki Tangburi ki kynoi ki risa ha ka jingkmen ban wanrah ia ki Rot sha Aitnar- ka pung kyntang ban pyni paidbah ha shwa ban bret ia ki ha katei ka jaka.