Shillong, Jymmang 07: Ki khynnah pule ki ba dang hap hapoh jong ka Upper Primary kiba pule ha Shillong Government Boys’ mynta la palat shisnem kim don ia u nonghikai jingkhein, bad kane kala ktah ia ki khynnah katei ka skul sorkar kaba la rim tam ha kane ka jylla.
Haba u SP News Agency u la ioh ban ia kren bad ka Principal jong kane ka skul kala iathuh ba u nonghikai jingkhein u la shong thait ha u bnai Lber 2023, naduh u bani Iaiong 2023 haduh mynta bnai Jymmang 2024 ym pat ioh ia u nonghikai jingkhien.
La iathuh ba mar ia dep shongthiat na ka liang jong ka skul kila pyntip sha ka sorkar bad la iathuh ba ka sorkar kala khot ia ki applikonshon bad la sngewthuh ba ka jngkhot ia ka jingtwat jingtip kala long hynrei la wan noh ka elekshon MP.
Na ka liang jong ka skul ka khmih lynti ba ynda la dep kane ka MP elekshon 2024 kin sa ioh ia u nonghikai jingkhein, ia mynta la shu phah iarap ha kiwei ki para nonghikai jingkhein hynrei kan nym lah ban biang kumba don hi u nonghikai ba dei.
Ha kawei pat ka liang na ka jong ki kmie ki kpa kila pynpaw ia ka jingsngew diaw ba ka sorkar kam shym la lah ban thung nonghikai jingkhein wat la kane ka eksam shiteng snem ki khynnah kala ha khmat, kane ka ktah ia ki khynnah ki ba dang don kam ia ka jinghikai.
Lah ban pynkynmaw ba ha ki snem kiba mynshuwa ka sorkar kala ailad ia ki bor ba dei peit ia ka ba kin thung nonghikai shipor ba ki khynnah kin nym thud ha ka jingpule katba ym pat ioh ia u nonghikai ba pura, hynrei mynta la khang ban thung nonghishipor bad kane kala ktah ia ki khynnah.
