Shillong, Nailur 14: U myntri ka tand District Council Affair DC (A) u Bah prestone Tynsong u la ong ba ia ka election shiteng samoi sha ki hynniew tylli ki MDC constituency yn pynlong ha u bnai Nohprah mynta u snem.
Haba kren ha ki nongthoh khubor mynta ka sngi ha dien ba la wai ka jingialang ka cabinet u la ong ba, ka iing bishar ba don burom jong ka Meghalaya High Court kala pdiang ia ka affidavit jong ka sorkar.
Na ka liang jong ka sorkar mynta kan phah sha u Lat jong ka jylla bad ynda la ioh ia ka jingmynjur jong u Lat ka sorkar kan sa pynbna paidbah ia ka tarik bad ki sngi ki ban long election.
Haba jubab ia ki jingkylli na ka liang jong u myntri ka tnad DC(A) u la ong ba ia ka tarik ynm lah ban iathuh katba kam pat wan na u Lat, hynrei u la pynthikna ba ka election MDC shiteng samoi, kawei ha JHADC bad hynriew tylli ha KHADC kan long ha u bnai Nohprah.
