Shillong, Nailur 10: Ka Mawkhar Christian Higher Secondary School (MCHSS) kan rkahe ia ka jingdap 125 snem jong kane ka skul ha ka 4 tarik jong u bnai Risaw 2016.
Ia kane ka skul la seng ha u snem 1891, ia kaba la pyniaid da ka KJP Synod sep ngi. Ka jingpynkhreh ban rakhe ia katei ka sngi kaba khraw jong kane ka skul kala dang iaid sha khmat.
U Bah Jwatbor S Cajee president jong ka kynhun Mawkhar Christian Alluminia Association (MCAA) u la ong ba ka jingiakynduh ka jong ki mynta ka sngi ka long ban ia pyrkhat kumno ban iarap lem ia kane ka skul ha kaba ia dei bad ka jinglut jingep na ka bynta ban rakhe ia katei ka sngi.
Ka long ka jingiakynduh jong ki khynnah skul ba rim jong kane ka skul ban ia kren ruh ba kumno ban ia wat ia ki lad ki lynti ha kaba ia dei bad kane ka skul namar ka iing kaba don kala rim bad kila don kam ban ioh ia ka iing kaba kham bha.
