Shillong, Risaw 27: Ki pulit jong ka East Khasi Hills District ryngkat ka VDP bad ka shnong Pomblang kila pynlong ia ka jingiamir jingmut kumno ban iada na ka jingshah leh beijot jong ki kynthei khynnah bad kiei ki lad ki lynti ban iada ia ki.
U Superintendent ki pulit jong ka, East Khasi Hills, District Shillong, u Bah M.Kharkrang,IPS, u la batai ha kaba ia dei bad ki kam leh beijot ia ki kynthei khynnah bad kiei ki lad ki lynti kum kiba ha iing ha sem ki dei ban leh ban nym pun duh ia ki sabut.
Na ka liang jong u heh pulit u la ong ba lada don kum kine ki jingjia dei ban pyntip sha ki pulit, u la ong ruh ba ki paidbah ki dei ban nym iathuh ia ki ATM jong ki sha ki briew kiba kim tip namar bun ki nongkyndong kila ngat.
La ia kren ruh ba kumno ki samla pule kim dei ban ngop ha ki jingdih ia ki drug haba ki mih na la shnong ban leit pule sha bar . U Bah I O Swer u ba dei u SDPO u la kren ia ka kam ram jong ki VDP kumno ban kin leh ha ki shnong ki thaw.
