Shillong, Lber 07: U Myntri rangbah ka jylla mynta ka sngi u la khot ia ka jingialang jong baroh ki seng sain pyrthei ban pynshai halor ka jingiakren pynbeit pud bad ka jylla Assam ia kaba kila dep ban phah sha ka tnad kam poh iing a sorkar pdeng.
Haba kren ha ki lat pathai khubor ha dien ka jingialang bad ki seng sain pyrthei ha Secretariat, ka jingkhot ia kane ka jingialang ka long ban pyntip sha baroh ia ka jingia pynbeit ha ka jingiakren kam pud bad ka Assam ia kaba ki la pynkut ha ki 6 tylli ki jaka ba don ka jingiakam mar kylliang.
Ha kane ka jingiakynduh bad ki seng sain pyrthei la pynshai ruh ia ki jingiasoi hapdeng ki ar tylli ki sorkar jylla bad la pynshai sha ki nongialam jong ki seng sain pyrthei ha kane ka jingiakren kila pan da ka jignthoh bad mynta ka sngi la dep ban ai ia ka jingkren hapoh ka iing dorbar thawain ka jylla.
Ia kane ka jingkren yn sa ai sha ki dkhot jong ki seng sain pyrthei leh la shai ka sngi kin sa phah bad ha ka khyndai ttarik kaba kin sa ia kren bad ka sorkar pdeng kyrmen ba kan mih u soh na kane ka jigniakren kaba kin sa ia kynduh.
Kumba la kren hapoh ka iing dorbar la iakren bad la pynbshai bad ha dien ba ka pynshai la kila sngewthuh bad kyrmen bad a kane ka juh ka rukom lah ban pynbeit ia kiwei ki jaka kiba dang sah.
