Shillong, Nailar 29: Ha ka jingai jingmut jong ka tand pulut mynta ka sngi kila ong ba ki paidbah, ki tip ba kane ka jingrah ia ki kynthei bad ki khynnah ban pynngop ia ki ha ki kam awaria kala paw pyrthei bha ha kine ki sngi bad kane kam dei tang ha kane ka jylla hynrei ka dei ka jingjia ha ka pyrthei baroh kawei, ba ki don ki kynhun kiba leh ia kane ka jaid kam kaba poh.
Ban ia khun pyrshah ia kane ka kam sniew, la kyntu ia ki seng bhalang bad ia ki kmie ki kpa baroh kiba don ka jingsngewkhia ia kane ka kam sniew ba kin ia trei lang bad ki bor pulit ban kem ia kine ki briew kiba la leh ia ki kam sniew, la ai jingmut ruh ia ki paidbah bad ki jaka pule ba kin pyntip sha ki bor pulit lada ki don ka jingsuba iano iano ba leh ia kane ka kam.
Ban ia khun pyrshah ia kne ka kam jaboh ha ka imlang shah lang, la bthah ia ki paidbah baroh ba lada don kiba ha iing ha sem ki jah kila dei ban wan kloi ban pyntip sha ki bor pulit, kim dei ban pynslem da kaba wat hi ar alne lai sngi. Na ka liang jong ki kmie ki kpa ki dei ban peit ia la ki jong ki khun bad ki paralok kiba kum no ki ia don lang. Lada dei kiba leit ban pule sha bar ruh ne ha ka kam ka jam dei ban da tip ia kata ka jaka kaba ki don.
La kyntu ruh ia ki paidbah ba lada ki ioh ba ki don ki khynnah kiba don ki kali ba um don ba synran ia ki dei ban pyntip mar dor sha ki bor pulit, kham tam lada ki iohi ba ki khynnah kim sngew tynnad ba kiba la heh ban ia leit lang ne don lang kaba long pyrshah ia ka ka mon jong ki.
Ki nongniah kai kamai ki dei ban kylli ia ki khynnah lada ki iba ka don ka jingleh pher kilah ban shim ia ki bad aiti sha ki pulit, la da ka don ka jingisuba kaba kham khyllah. La bthah ruh ia ki jaka pule ba kin nym shah ia ki khynnah ba kin leit hi khlem da pat wan kiba ha iing ban wan shaw, lada don ka jingkylla ha ka rukom leh ki khynnah dei ban pyntip sha ki kmie ki kpa.
Na ka liang jong ki pulit kila bthah ia ki paidbah ba kin buh ia ki number phone jong ka tand pulit, na kabynta jong ka SSP CID (Coordinator) kila ban phone ha une u number, 9863021516 lane ki lah ban phah da ka mail sha kane ka email ID, ahtu.meghalaya@gmail.com. Ba dei peit ia ka Anti-Human Trafficking Units ha Shillong, Jowai bad Tura.
Nalor katei ka number, labuh kyrpang ruh na ka bynta jong ka Tura, ki lah ban phone ha une u number r mobiles, 9856822988, ka la bynta ka nongbah Shillong, une u mobile number 9863082268 bad n aka bynta ka Jowai ki lah ban phone ha une u number 9436160171. Lane pyntip sha kano kano ka police station ba don.
