Shillong, Iaiong, 06: Baroh ki iing kiba la shah pynjulor ha u eriong bad ka jinglynshop jong u phria ha ka step sngi u blei hapoh jong ka Mawsynram Block kala kot sha ka 1109 tylli kane ka long katkum ka jingkhein kaba la ioh hapoh ka ophis jong u BDO.
Kiba bun na ki shnong kiba la shah pynjulor ki dei ki shnong kiba don ha khappud bad ka Bangladesh, ki shnong kiba la shah ktah ki long 36 tylli. Ha kane ka jingjia ba sngewsih kam shym don kano kano ka jingjia ba sngewsih ha kaba ia dei bad ka jingim briew.
Kiwei pat ki lad khubor ki iathuh ba ka jingjulor kaba bun eh ka dei na ka daw jong ka jingthep jong u phria u ba la heh bad bun na ki long iing kiba la sop da ki tin kila pei ha kane ka jinghap phria bad katto kane tylli ki iing kiba la shah rat pat ha ka lyer.
