Shillong, Naiwieng 29: U president jong ka KHNAM Youth Wing u Bah Thomas Passah, u la ong ba mynta ka sngi kila leit ban ai da ka jingthoh sha u myntri ba dei peit ia ki kam bor ding jong ka sorkar jylla u bah Sngewbhalang Dhar ban kyntu ia u ba u dei banthung kam noh ia baroh 772 ngut ki samla kiba la pass ia ka eksamin ka jong ki.
Haba kren ha ki nongthoh khubor u Bah Passah u la ong b aka MeECL kala khot applikoshon ha u snem 2011 bad ha dien ka jingiaksaid jong ka KHNAM la pynmih ia kane ka result ha ka shitarik jong u bnai Nailar mynta u snem hynrei haduh mynta ruh ka MeECL kam pat thung wat tang u weir uh.
La iathuh ba na ka liang jong ki ophisar haba ki leit ban ia kren ki pynsngew ba ka MeECL kam don pisa ia kaba ka seng kan nym lah ban pdiang, haba ki khot ia ki application ka pyni ba ki don ki kam kiba lait bad ka pisa ruh ka don lada kim tip ia kata kumno ki khot kai ia kane ka applikoshon la buh jingkylli u Bah Passah.
La ong ba kum ka seng kala iaid katkum ki lynti kiba dei ban ia kren bad kibor ba dei peit ha kaba ia dei bad kane ka kam, hynrei lad aka sorkar bad ka MeECL kam lah ban thung kam ia ki samla kiba kala pyn pass ka seng kam banse ban leit ban tied ia ka jingkhang jong ka iing bishar.
Katkum ka rukom leh jong ka MeECL ka long ba kane ka result kan neh tang ka na ka shi snem bad lada ym lah ban thung ia ki hapoh ka shisnem kila kut noh. Ka KHNAM ka buh jingkylli ia ka MeECL ba balei haduh kine ki sngi kam pat lah ban thung ia kine kiba kala dep ban pynpass.
