Shillong, Rymphang 02: Ka seng kmie jong ka Khasi Student Union (KSU) la shai ka sngi kan leit ban ia kynduh ia u CEM jong ka KHADC u Bah PN Syiem ban ia kren halorki lai tylli ki mat bad kita ki long halor ka 20 klur kaba la mang ia ka surok Nongstoin – Wahkaji, ka Lynti Rel bad kiwei kiwei.
Lah ban pynkynmaw ba ha dien ba ka KSU kala pyrshah ia ka surok Two Lane na Nongstoin sha Wahkaji ban shna da ka sorkar pdeng namar ba ka thew na ka bynta ban toh Uranium ka KHADC kala ai ka jingkular ban nym ai shuh ia ka NOC na ka bynta kane ka surok bad u CEM u la kular ban mang noh 20 klur na ka pisa jong ka KHADC ban pynbha ia kane ka surok ia kaba ym pat sdang haduh kine ki sngi.
Halor ka lynti rel, ka seng KSU ka juh ieng pyrshah na ka por sha por ha kaba ia dei bad ka jingpynpoi ia ka lynti rel sha kane ka jylla, katba kam pat don kano kano ka ain kaba khlain ban khanglad ia ka jingwan jong ki briew kiba na bar.
