Shillong, Nailur 20: Namar ka jingleh bym suidniew jong ka tnad sam um jong ka jylla ia ka shong Choppot kaba hap hapoh jong ka South Garo Hills District, na ka liang jong ki paidbah nongshong shnong kim ban se ban teh ia ki pipe um ba peit jong ka PHE da kaba byndonkam da ki tube jong ki tyre kali.
Na ka liang jong ka GSU kala thoh sha ka sorkar lyngba jong u parliamentary secretary u Noverfield R. Marak ban pynsngew ia ka jingeh jong ki paidbah katei ka thain kaba kila mat mynta la ar snem lynter, ka seng GSU kala ong ba ka sorkar kala pynkhein ia ki kyndon sam um bam umdih ha kane ka jylla.
Na ka liang jong ka GSU ka kynnoh ba kane ka jingleh jong ka sorkar ka dei na ka daw jong ka jinglehshiliang khmat ha kaba ai um bam um dih sha ki paidbah , kane ka dei ka kam jong ka tnad sam um ka sorkar, ka GSU ka buh ka jingkylli ba balei ki MLA bad ki MDC mynshuwa bad mynta kim kren sha ka sorkar ia kane ka jingeh jong ki paidbah.
Ka seng GSU kala ong ba da ki klur tyngka la mang lyngba ka skhim jong ka NLCPR, ia kaba la bei pisa da ka DONER na ka sorkar pdeng lyngba ka skhim Accelerated Urban Water Supply Program, (AUWSP) bad n aka Prime Minister’s Gramadoya Yojana (PMGY) bad na ka Bharat Nirman Programme . Kaei kaba sah na ka liang jong ka PHE ha Chokpot ka long tang ban sumar ia ki pipe jong ka PHE.
Na ka liang jong ka PHE ka shim bai um lai spah tyngka shisnem na ki iing kiba don ha kane ka shnong bad shiphew tyngka na ka bynta u wei u pipe um, ka PHE k alum ia kane ka khajna man u snem lait noh tang jong u snem 2016 kaba kim pat lum.
Kumba ka long mynta kiba ioh um na ka PHE dei tang ki ophis jong ka sorkar katba ki paidbah mynta la ar snem kim shym la ioh um kila hap ban tang na ki wah duit na ka bynta ka jingdon kam ka jong ki kaba man ka sngi. Ka GSU ka ong ba ki paidbah ki don kam ia ka Umdih ha Chokpot. La kyntu ia ka MLA ba mynta bad ia ki MDC ba ki dei ban peit ba ki paidbah ki dei ban ioh ia ka umdih kaba khuid na ka PHE.
