Shillong, Naiwieng 19: U Bah Process T Sawkmie MDC jong ka seng Congress na Mawlai Constituency haba ia shim bynta ha ka jingkren ai khublei ia u Bah L G Nongsiej ba u la jop khlem da don ba ia khun pyrshah ia kane ka kam Chairman hapoh jong ka KHADC mynta ka sngi, u ong hapoh ka iing dorbar jong ka KHADC “ U Governor um burom ia ngi ki MDC”
Kane ka jingkren jong u tei u MDC na Mawlai, ka long ba kila ioh por tang shi sngi ban wan sha kane ka jingiashong dorbar banjied ia u Chairman ba thymmai, la ong ba la ioh jingtip tang shisngi ba kane ka dorbar kan long mynta ka sngi. Haka juh ka por u la ong ba na ka liang jong ka seng Congress ka pdiang ia u Chairman kaba la buh da ka liang synshar ka PDF.
Ha ka jingkren jong u Bah Manstduty Nongrem ban ia khublei ia u Chairman ba thymmai, la ong ba u kwah ba u Bah LG Nongsiej u iai beteng ia ka kam kaba la leh da kiwei ki Chairman ha kaba ia dei bad ki kam jong ki hima ban pynbha ia ki ba kin don noh la ki jong ki ain.
U Bah PN Syiem CEM jong ka KHADC ha ka jingkren ai khublei ia u Chairman ba thymmai u la ong ba kumu nongialam jong ka PDF u la shem shitom ban shim ia ka rai iano ban pyneng kum u briew jong ka PDF ban ia khun ia ka kam Chairman ha KHADC, ha dien ba la ia mir jingmut lang bad ki para MDC la ia jied ia u Bah LG Nongsiej.
La ong ba u Bah Nongsiej u la long u briew u ba bit bha ha kane ka kam namar u la jop ar sien bad u sngew bay n long u biang ban pyniaid ia ka iing dorbar hynrei u la kyntu ba dei ban ia peit bha ia ki rule ki ain ha kaba shong ha kane ka shuki.
U Bah Pynbiang Syiem, jong ka HSPDP u la ong bau dap da ka jingkmen ban iohi ia u MDC jong ka HSPDP ba un don ha kane ka shuki, ki don jingeh ia kiba lah ban ia pynbeit. U la pynpaw ia ka jingsngewnguh ia u Lat jong ka jylla u ba lah ban pynbeit ia kane sngi ban jied ia u Chairman ba thymmai, ym kum ka sorkar jylla kaba la thmu ban wanrah da u briew ba nabar jong ka iing dorbar.
U Bah B Basaiawmoit ha ka jingkren ai khublei ka jong u la ong ba kala don ka khep ban ki ioh por tang da ki kyntu ban wan sha iing dorbar, u la ong ba ka don ka jingpynbna ba ki ioh ha ka por meit 29 tarik bad 30 tarik mynstep ki hap ban wan sha iing dorbar, kum ki nongmih khmat paidbah ki dei ban long kum ki shipai ban poi lada don ka thma.
Kiwei kiba la kren ha kane ka jingiakren ai khublei ia u Chairman ba thymmai ki long u Bah Neil Antonio War jong ka BJP, u Bah Hedrian Lyngdoh, Bah Jansing Tynsong, Bah Banteidor Lyngdoh, Bah Monringstar Mawsor, Bah Adelbert Nongrum, Bah Don Sumer, Bah Laitiplang Kharkongor, Bah Albinus Lyngdoh, Bah Lamphrang Blah, kong Rona Khyndeit bad u Bah Victor Rani.
Ha ka jingkren jong kine baroh kila ai khubei ia u Chairman ba thymmai jong ka iing dorbar bad ki don ka jingkyrmen ba hapoh ka jingalam ka jong u kiei kiei baroh ki long kiba iaid beit hapoh ka iing dorbar.
