Shillong, Rymphang 28: Ka jingpynskhem jong ka Division Bench jong ka Meghalaya High Court Badonburom ha ka 16.2.17 ia ka rai halor ka PIL ba la leit rah da u Bah Tirot Sing Syiemlieh ka la long ruh ka jingpynskhem ia kaei kaba nga la kren ha ka jingialang kaba la long ha Laitkor ha ka 7.2.17 ha kaba la ia don lang u CEM jong ka KHADC, Bah P.N.Syiem bad ruh u CEM barim Bah Ardent M. Basaiawmoit, MLA bad kiwei kiwei ki riew rangbah, ha kaba nga la kdew shai ba ka jingjop jong ka PIL jong u Bah Tirot Sing Syiemlieh ka dei tang na ka daw jong ka jingtlot jong ki nongiasaid ain jong ka KHADC ha Meghalaya High Court.
Kine ki long ki kyntien ba la thoh ha ka rai jong ka Division Bench jong ka Meghalaya High Court ha ka 16.2.17 – “However, serious and significant question have now been raised on behalf of the KHADC essentially with the submissions that the Building Bye Laws as framed by MUDA cannot be made applicable over the autonomous district areas. Though these issues ought to have been raised by KHADC in the appropriate forum and in the appropriate manner but they have been raised only by way of a counter affidavit in this petition.” – Nga dang shu dep kdew ia kane ka jingtlot jong ka Executive Committee jong I Bah P.N.Syiem, CEM ha ka 22.2.17 ha ka por ba ia kren ia ka No Confidence Motion ha Iingdorbar jong ka KHADC. Lehse bun kiba pyrkhat ba ka shu long tang ka jingwad daw jong nga ia I Bah P.N. Syiem, namar ka shuki CEM, hynrei mynta ka la shai kdar haba la kynthoh da ka Division Bench jong ka Meghalaya High Court kumtei haneng.
Ka MUDA bad ki Building Bye Laws jong ka kim lah da lei lei ruh ban rung sha ki Autonomous District ha kiba la don ka Autonomous District Council katba dang don bad dang ieng rasong ka Article 244 (2) – “The provisons of the Sixth Schedule Schedule shall apply to the administration of the tribal areas in the Stae of Meghalaya.” Ym tang ba la thoh ha kane ka Article 244 (2) hynrei la pynskhem shuh shuh ia ka bor jong kane ka jingthoh kaba don ha ka Article 244 (2) da ki kyntien kiba la thoh ha ka Town and Country Planning Act, 1973 “The Meghalaya Town and Country Planning Act, 1973 .. (2) It shall extent to the whole of Meghalaya excluding the Autonomous Disctrict. Provided that if any District Council desires that all or any of the provisions of this Act should apply to the Autonomous Distrcit concerned, a notification may be issued to that effect and this Act shall then extend to that Autonomous District subject to such exceptions or modifications as may be specified in the notification.”
Ka MUDA bad ki Building Bye Laws jong ka ki dei kiba kha pateng na ka Town and Country Planning Act, 1973. Ka shai kdar haba ka Kmie (Town and Country Planning Act, 1973) kam lah lane bit ban rung sha ki jaka jong ki Autnomous District Council te katno tam ka long bym lah bad bym bit ia ka Khun (MUDA and its Building Bye Laws) ban rung. Ka Division Bench jong ka Meghalaya High Court ruh ka mynjur ia kata da kine ki kyntien – “However, serious and significant question have now been raised on behalf of the KHADC essentially with the submissions that the Building Bye Laws as framed by MUDA cannot be made applicable over the autonomous district areas.” Hynrei namar ka jingbym tip ain jong ka Executive Committee jong I Bah P.N. Syiem,CEM bad ruh jong ki nongiasaid ain jong I ki la leit ialeh pyrshah ia katei ka PIL jong I Bah Tirot Sing Syiemlieh da kaba shu file da ka affidavit ba shu pyrshah ia ka PIL – “but they have been raised only by way of a counter affidavit in this petition.” – ong ka Division Bench jong ka Meghalaya High Court ia ka jingbieit jong ka Executive Committee jong I Bah P.N.Syiem bad ki nongiasaid ain badonburom jong I. Dei ha kiba kum kine ki nongsynshar ba u Myllung u ong – “Long Syiem ka dum synshar ka bieit ka long raiot ka tieng ka smiej.” Kaba dang sah ka lynti mynta ka long ban leit sha kata ka appropriate forum bad da ka appropriate manner kumba la bthah ka Division Bench jong ka Meghalaya High Court – “Though these issues ought to have been raised by KHADC in the appropriate forum and in the appropriate manner .. In our view, when the limited issue raised herein is not surviving, the proceeding in this petition deserved to be terminated, of course, while leaving all other issues open to be examined in the appropriate forum and in the appropriate proceeding.” – kaba mut ba ka KHADC ka dei ban leit sha ka Supreme Court kaba dei kata ka appropriate forum ba la ong da ka Division Bench jong ka Meghalaya High Court bad da ka appropriate manner kaba mut da ka lynti ba dei biang jong ka ain.
Ha kane ka bynta, na ka liang jong ki shnong kiba la ngat ha ka MUDA bad ka Building Bye Laws jong ka ki dei ban appeal sha Supreme Court kaba dei kata ka appropriate forum bad da ka lynti kaba dei jong ka ain, kata, ba ngin ym ieh tang ha ka Executive Committee jong u Bah P.N.Syiem. Na ka liang jong shen hi ngan sa khot ia ka jingialang jong ki paidbah kiba hap ha ka shnong Madanriting, Laitkor, Umphyrnai, Mawlngad bad kiwei kiwei ki shnong ba marjan ban ia pyrkhat halor ka jinghap ban leit sha Supreme Court.
