Shillong jylliew 03: Ha kaba ia dei bad ka jingleit tohkit u BDO(Saipung Block) Magistrate ia ka pisa NREGS, ba 514900 tyngka ba la kynnoh ban la pyndon kam bakla u Bah Wolding Lamurong, ha ka 29 tarik u Jymmang. La Iohi shai ba une u Rangbah u la pyndonkam bakla ia ka iktiar ban khot tang katto katne kiba don liang bad u sha katei ka jingialang ha kaba u la iohlad ban tep eitmiaw hakhmat ki heh sorkar ia ka khlem da pyntip ne burom ia ka dorbar shnong bad ia baroh ki trai Job card ka shnong Myntriang.
Kumta, la kyrpad ia ki bor bahalor ban tohkit bniah bad dei ban pynshitom ia uba la pyndon kam bakla ia ka pisa paidbah bad baroh kiba donkti ha kine ki jaid kam khnang ba un siew ia ka pisa 514900 tyngka kaba la dep tohkit bad u ruh u la kubur ban siew sha ka shnong khnang ba kan ym pyntroin ia ka imlang sahlang bad ka suk ka sain ha shnong ha thaw.
Kawei ruh khamtam ba ka shnong Myntriang ka long kaba dang sahdien bad ki briew ruh kiba duna ha ka pule puthi bad kiba duna ha ka jingtip ne jingshemphang ia ki skim pynroi ha kaba u la bat ia ki baroh. Te nga kyrpad ia phi ban tohkit bniah ia kane ka kam khnang ba kan nym don ka jingpyndon kam bakla ia ka hok u paitbah.(SP News)
