Shillong, jylliew 13: U myntri ka koit ka khia u bah A L Hek haba jubab ia ka ia jingkylli jong u James K Sangma NPP U myntri la ong ba ka jinglut na ka bynta ban tei ia ka Shillong Medical College ka long 250 klur.
Ia ka College yn pyniaid ha ka jingiatrei lang hapdeng ka sorkar bad ka KPC medical College Hospital, Jadavpur, Kolkatta. Ia ka jingiateh kular la dep ban iasoi bad ka tei ka kynhun, ia kane ka college yn buh ha Reid Chest Hospital, Shillong.
Ia kane ka hospital haduh mynta ym pat lah ban sdang na ka daw ba ka sorkar kam pat lah ban pyndep ia ka TB Hospital ha Umsawli ia kaba ka jigtrei ka dang iaid shakhmat.
Haba jubab ia ka jingkylli bynrap jong u tei u MLA, u myntri u la ong ba ka sorkar kam don jingtip ei ei ia kita ki kam sniew jong ka KPC. Na ka liang jong u James u la kylli biang hato ka sorkar kan tohkit ne em halor kane bad u myntri u la jubab da kaba ong ka sorkar kan sa peit ia kata.(SP News)