Shillong, Jymmang 17: U President jong ka Hills Farmers Union (HFU) u bah Commander Shangpliang u la ong ba kum ka seng kila ia kren bad u mytnri rangbah ka jylla u Cornad K Sangma bad kum juh bad ki ophis jong ka tnad rep ka sorkar pdeng ban pynioh lem ia kane ka skhim PM Kisan Samman Nidhi sha ki nongrep ba shuwai ia ki jaka.
Haba ia kren bad u SP News Agency, u bah Commander u la ong ba kane ka skhim kaba ai T.6000/- tyngka sha ki nongrep da ka sorkar pdeng kaba la iaid mynta ka long tang ia kito kiba don jaka rep bad kiba la lah ban pynshisha ba ki don ia ka jaka lyngba ka dulir khybndew.
Kum ka seng kala ia kren ia kane ka bynta namar ba bun ki briew kiba rep hapoh ka jylla ka long ba ki shimwai ia ka jaka bad kine ki nongrep kiba khlem don ia la ka jaka la jong hynrei ki trei ia ka kam rep kim ioh ia kane ka jingiarap dei na kane ka daw ba ka seng ka sa ia kren bad ka sorkar ban peit ia kine ki nongrep ruh.
Haba ia dei bad ka jingioh ia ka jingiarap na u Mytnri Rangbah duh ka Ri ha kine ki sngi u president ka HFU u la ong ba ia mynta ym lah ban ong ei ei, namar kane ka ba la dep ki nongrep ha ka jylla Meghalaya kiba la ioh ia kane ka jingiarap ki long haduh 1.90 lak ngut, katba mynta pat ki long tang 8967 ngut.
Kane ka jingpynlait pisa mynta ka lah ban long tang ia kito kiba dang register thymmai ruh ia kata ym lah ban tip namar ka jingregister ia ki nongrep kiba dei online ka dang iai mynta ruh bad kito kiba la rung kyrteng thymmai kila dang ioh ia ka jingiarap.
