Shillong, Jymmang 22: Mynta ka sngi u Sunil Alagh, shongknor jong ka “Board of Governors, National Institute of Technology” (NIT) Meghalaya, ryngkat bad ka Prof. Pinakeswar Mahanta, Director ka NIT Meghalaya, kila leit ban ia kynduh ia u Lat ka jylla u Phagu Chauhan, ha Raj Bhavan Shillong mynta ka sngi.
Ha kane ka jingiakynduh Alagh bad Prof. Mahanta kila ia mir jingmut bad u lat ka jylla Meghalaya ban kyntiew ia ka jingpule ia ka NIT ha kane ka jylla Meghalaya na ka bynta ka jingbit jingbiang ki samla pule.
Ha kane ka jingiakren na ka liang jong ki bor ba dei peit ia ka NIT ha kane ka jylla Meghalaya kila iathuh ha u Lat ka jylla ia ka jingialeh na ka liang jong kane ka jaka pule ba kumno kyntiew ia ka jingpule ha kane ka jylla da ka rukom kiba thymmai.
Ha kane ka jingiakynduh la don lang ruh u Principal Secretary jong u Lat ka jylla u Harish Chandra Chaudhary, IFS bad ka jingiakren ka long kaba seisoh ba kumno ban kyntiew ia ka jingpule ha kane ka jaka pule NIT katkum kane ka juk kaba mynta.
