Shillong, Nailur 29: U Director ka tnad ka koit ka khiah u la ong ba katba dang iaid ka por la iohi ia ka jingkang jingman jong u ne u khniang jingpang COVID-19 ha kaba baroh ki doktor jong ka pyrthei ki shem bad ki ong ba ha dien ka 10 sngi kino kino kiba la test Positive, une u jingpang um lah shuh ban sa phriang sha kiwei bad ia kata ki dang wat ia ki sabut kiba biang.
Halor kane ki dang wat ia ki jingkynthoh bad ha kano kano ka por ba ki lap ba ka dei shisha kumta ba u ne u khniang jingpang um lah ban saphriang , ne um lah ban pyniabit shuh ia kiwei kiwei kumta kin sa shim rai ban pynkylla ia ki kyndon kiba la pynmih kim sa lah ban shim rai kham bniah halor kine.
U Director u la ong ba hap ban imlang bad u ne u jingpang bad teng teng hap ban shim ia ki rai kiba dei ban ia sngewthuh lang bad dei ban ia ryntih lang bad dei ban ia mynjur lang, kaei kumba ka long mynta kaei ka kyndon kaba la don ba u ne ka ba long positive kin hap test shuwa bad kin sa lah ban pynlait ba kin leit sha iing.
Ia kane ka rai halor ka 10 sngi ba une u khniang jingpang um lah ban pur lane saphriang yn sa ai kham hadien ynda kila pule bha, bniah bin pa bin ia ki kot ki sla ia ki jingkynthoh lane ia ki jingthoh jong ki stad doktor jong kylla sawdong ka pyrthei bad lada kila thikna shisha ba ka long kum ba ki lap ka sorkar kan sa shim rai halor kane.
La ong haba ki peit na ki test kaba ki leh namar kine ki kor RTPCR ki long ba hap ban phikir bha la ong ba kine ki khniang jingpang bala iap ba dang mih na ka met por ba ki shim nongmuna ka pyni positive ha ka mashin kane ka jinglong positive ka long ia u khniang ba la iap ia kata ruh ki dang hap ban peit bha ia kita ki sabut kiba biang khnang ba kin lah ban shim ia ka rai. Ia kito kiba long positive kin dang iaid beit bad suki pa suki lada ki lap ba ka long kumta kin sa sangeh jai jai ban wan rah ia ka jingpynkylla ha ki kyndon ha kine ki sngi ki ban wan.
