Tura, Nailar 23: Mynta ka sngi ha ka por mynstep haba ki pulit SF-10 kila ioh jingtip ba ki don ki kynhun kieng atiar kiba la shong rieh tngen ha ki bynta jong ka Emangre kaba hap hapoh jong ka South Garo Hills District, ki pulit kila leit ban ker kdong ia kane ka jaka ban kem ia kine ki riew kieng atiar.
Ynda ki pulit kila poi ha ka jaka kaba la tip kum ka Emangre, kala don ka jingshah ther kuli ha kine ki briew kiba ym pat lah ban tip ki dei ki ei, na ka liang jong ki pulit ruh kila pynphai kylla bad ha kane ka jingiather kuli u wei na ki riew kieng atiar u la kyllon iap.
Ha dien ka jingiather kuli kaba mar kylliang ki riew kieng atiar kila ioh ban phet krad sha ki khlaw jong kane ka jaka bad haba ki pulit kila talasi ia ka met jong u ne u ba la kyllon iap, la lap na met jong u ia ki kynja jingthoh bad u dei u dkhot jong ka seng lehnoh GNLA.
