Jowai, Jylliew 04: Ka Jaintia Students Union (JSU) Sengkmie ha u kyrwoh khubor mynta ka sngi lyngba u Samla Emperor Bareh General Secretary ka iai pynpaw beit iaka jingpyrshah iaka Entrance Examination jongka Sorkar Jylla kaba dei pyniaid lyngba ka Director of Health service (DHS) naka bynta kito ki samla kiba kwah ban leit pule MBBS, BDS, kiban rung lyngba ka bhah bala mang kyrpang (State Reservation/ Quota) naka bynta ki samla pule ka jylla jongngi.
Ka jaintia students’ Union ka pynpaw beit iaka jingsngew pyrshah ia kane ka jingthmiu jongka sorkar wat lada don ki jingpynshai paidbah na ka liang jong u Minister ba dei peit iaka tnad ka koit ka khiah u bah A.L hek, namar ka seng hi ka sngew artatien ba ioh ka hok jongki samla pule ka duh noh.
Na ka liang ka Union ka ka pynpaw ba ki nongrim kiba ha khmat duh balei ba pyrshah ia kane ka Entrance examination ka long namar ka jingpynmih dier por palat iaka jingpynbna, ia kaba la pynmih tang hadien ba la mih ka Result Cl.XII Sc jongka MBOSE, kane ka jingpynbna dier por ka buh iaki samla pule ha ka jingeh khamtam kito kiba wan na ki nongkyndong, namar ki khlem pynkhreh satia ia kata Entrance Examination bad ha ka jaka kane ki leit trei ban duh ioh kynshew pisa khnang ban ioh jingiarap ynda kila leit pule biang. Ha ka juh ka por lada dei shisha ba don ka hukum naka Sorkar kmie, ka Sorkar jylla kala dei ban pynbna lypa, bad lada dei kaba dang pynmih ha dien ka Sorkar jylla ka lah ban sangeh shwa mynta u snem bad pyntreikam pat ha u snem ban wan.
Nalor kata ka union ka pynpaw ruh ba lada ka Sorkar ka pynmih ia kane ka hukum tang namar ka jingbym shaniah ia kiwei pat ki BOARD kiba don ha kiwei pat ki jylla ka la dei ban pynbna lypa ia kane ruh khnang ba ki kmie ki kpa bad ki samla pule kin dup sngewthuh shai, bad lada ka Sorkar kam shaniah pat iaka MBOSE ruh kala dei ban phah tohkit noh shi syndon, bad dei ruh ban pyndam noh shi syndon iaka Examinaton kaba la pyniaid daka MBOSE bad aiti beit iaka Exam tang haki skul ruh kala biang. Bad lada ka Examination bala pyniaid daka MBOSE bad ki wei kam long kaba jainai bad khuid hato katno kein kata State Entrance Examination kan long khuid?
Kumta ka jingpynbna kyrkieh jongka sorkar ia kane ka rai kan ktah shisha ia ka hok bad iaka lawei jongki babun ki samla pule ka jylla jongngi. Ha ka juh ka por lada ka Sorkar ka kwah ban iaid beit daka Entrance Examination, ka dei ban long ruh ia baroh ki Course yntang iaka MBBS bad BDS bad ka Reservation naka bynat ki Khasi, jaintia bad Garo ruh dei ban pynduh noh bad ai beit daka Open Chalenge nakabynta ki khasi, Jaintia bad Garo. Lym kumta kane ka jingthmu jongka sorkar kan don beit kaei re kaei kaba sha lyndet.
Ha kaba iadei bad kane na ka liang ka JSU ka ieng beit haka nongrim ban pyrshah jur bad shen kan leit buh iaka Memorandum sha ka State Govt. bad DHS. Bad lah ruh ban khot iaka jingialng jong ki kmie ki kpa bad ki samla pule ban iathir shuh shuh halor kane, pynkut ka kyrwoh na
u GS ka JSU.(SP News)
