Shillong, Rymphang 27: Katkum ka jingkhien kaba la ioh haduh 9.00 baje mynmiet mynta ka sngi ka jingiathep vote ha JHADC kala poi sha ka 85.61%, na kine ki shynrang kiba la poi thep vote ki long 85.18% bad ki kynthei kila poi sha ka 85.98%.
Katba ha KHADC katkum ka jingkhien kaba la ioh haduh ka por 9.00 baje mynmiet ka long 74.43%, na kine ki kynthei long long 78.71% bad ki shynrang ki poi 74.43%.
Na ka liang jong u Commissioner bad Secretary jong ka DC(A) u la ong ba kane ka dei ka jingkhien kaba khlem pat ioh lut ia ka jingkhein ba thikna ynsa ai jingtip la shai ka sngi.
U bah Taining Dkhar Commissioner jong ka tnad District Council Affair jong ka sorkar Meghalaya, u la ong ba haduh ka por hynriew baje mynta ka sngi ka jingkhien kaba la ioh ka long ba kiba poi thep vote ha JHADC ki long 78.68% bad ha KHADC ki long 60.28%.
U tei u ophisar u la iathuh ba ia ka jingkhien kaba bniah yn sa ioh tang la shai ka sngi namar ba ki dang don ki jaka kiba ym pat lah ban ioh ia ka jingkhein na ka daw jong ka jingjngai ki jaka thep vote.
La ong ba ka jingiathep vote kala iaid beit ha baroh ar tylli ki iing dorkar jong ka District Council, la ong ba kam shym don kano kano ka jingjia kaba sngewsih, ka jingiathep vote kala iaid beit iaid ryntih ha baroh ki kontitwensi ha kine ki ar tylli ki District Council.
