Tura, Jylliew 23: kala don ka jingiasiat hapdeng ki pulit bad ki lehnoh GNLA ha ka shnong Mikilsimgre kaba hap hapoh jong ka East Garo Hills District. Ha kane ka ia siat u wei u lehnoh u la kyllon iap bad ar ngut kiwei pat kila shah kem.
Na kane ka jaka ki pulit kila ioh ban kurup shibun ki tiar ialeh jong katei ka seng kum ka suloi AK-47, ki kuli bad bun kiwei kiwei kit air pynmynsaw. Ki pulit kila ong ba u Area Commander jong ka East Garo Hills u don ha kane ka jaka hynrei u la lait phet noh.
Kane ka jingiasiat mynta ka sngi kila jia ha ka por mynstep bad ka jingiather kuli kaba mar kylliang ka la neh kumba 20 minit ei ei. U Dkhot jogn ka GNLA u ba la kyllon iap la tip kum u Pisto Sangma. Kiba shah kem ki long ka samla jong u Jimmy area commander bad u wei u ba kim pat kwah ban ia thuh kyrteng.
Ki pulit kila ioh ban kurup ruh ia ki ID Cards jong ki nongialam jogn ka seng GNLA na katei ka jaka. Ka jinglap ia kane ka ktem ka long ha dien ba ki pulit kila ioh ban kem ia u Pisto katba u dang ioh thiah u ba ap karot ha katei ka jaka.(SP News)
