Shillong,Naitung 19: Mynta ka sngi ha ka por kumba 2.30 baje mynstep katba ki pulit ki dang pynlong ia ka jingtalasi ia ki kali ha surok GS Road kawei ka kali Ford Ikon kala phet krad mar ia iohi ia ki pulit.
Haba iohi kane ki pulit kila beh ia kane ka kali bad kila lap ia ka na N M Hotel kaba don ha Mawiong ia kaba la ieh da ki riew sniew ki pulit ki dang tohkit ban lap ia u trai kali.
Ha kawei pat ka jingjia mynta ka sngi ha ka por kumba 4.45 baje por kynjat shai ki riew sniew kila kyndang ia ka dukan jong u Parash Bopara ha Cantonment BH, Shillong ha kane ka jingkyndangkila ioh ban rah ar tylli ki telephone bad ka pisa kaba T.16000 tyngka. Ki pulit ki dang pynlong ia ka jingthohkit.(SP News)
