Shillong, Lber 11: Ki pulit jong ka jylla kila ioh ban kem ar ngut ki briew kiba la suba ba ki don kti ha ka jingpynbethei bom ha Panjabi Lane ha Syndicate Bus stand ha Iewmawlong, kiba la shak kem la tip kyrteng, u bah Ebakordor Nongpluh 26 snem bad u bah Tarson Lymba baroh ar ki dei na West Jaintia Hills District.
Ha ka kywoh kaba la phah da ki pulit mynta ka sngi la ong ba ia u bah Ebakordor Nongpluh 26 snem la kem na Shillong, katba ia u bah Tarson Lymba la kem na Dawki bad ka jigntohkit ka dang iaid sha khmat.
Ki pulit jong ka East Khasi Hills District la iathuh ba ia kine baroh ar ngut la kem ha ka miet jong ka 10/3/2024 halor ka jingshah kynnoh ba ki don kti ha ka jingpynbethei bom ha Syndictate Bus Stand ha ka miet 9/3/2024.
Halor kane ka jingioh ban kem ia kine ki ar ngut ki briew na ka liang jong ki pulit kin dang tohkit shuh shuh ha kaba ia dei bad kane ka jingban lap shuh shuh lada dang don kiba ia don bynta ha kane ka kam runar.
Mynta ka sngi ki pulit kila rah ia kitei ki ar ngut kiba la shah kem ha ki pulit sha iing bisahr bad na ka liang jong ka iing bishar kala ai jingbit ia ki pulit ba kin bat ha kti jong ki na ka bynta shiphew sngi ban tohkit ia kine ki ar ngut kiba la shah kem.
