Tura, Nailar 10: Mynta ka sngi da ka jingiatreilang jong ki pulit SF-10 kiba na Soutg Garo hills bad jong ka East Garo Hills kila lah ban pynpra ia ka jaka sah jong ka kynhun lehnoh GNLA kaba kila shna ia ka ktem jong ki ha khlaw Durama ka jaka ba ia khap hapdeng kitei ki ar tylli ki District.
Ki khubor ki iathuh b aka seng GNLA kaba la tlot mynta kala sdang ban pynim biang ia ka da kaba pynrung ia ki khynnah kiba dang thymmai bad pynlong ia kane kum ka jaka ai jinghikai namar ki dang sah ki nongialam jong ka seng kum u Sohan D Shira, Baichung Momin, Baltush bad Kartush la ong ba kine ruh ki don ha kane ka jaka ryngkat bad 21 ngut kiwei kiba dang shu rung thymmai.
La ong ba ha kane ka jaka sah jong ka seng GNLA kiba la don lang ki long ruh jong ka seng lehnoh GNLA kaba n aka jylla Assam bad ia kane la lap na kajingtioh tam ia ki ID Cards na katei ka jaka, la ong ba kala don ruh ka jingiather kuli bad ki pulit ha katei ka por ba ki liet ban khynra.
Ha kane ka jingiather kuli kine ki lehnoh kiba don ha kane ka jaka kila phet krad la ka jong ka jong bad ha kane ka jaka ia siat la don ruh ka jingphlei snam bad ki pulit kila ioh ban tam na kane ka jaka kum ka suloi SBBL, ki dynamait bad ki ID Cards, wat la kam shym la don ka jingioh kem ia ki briew hynrei ka long ka jop ia ki pulit ba kila lah ban pynpra ia kane ka ktem ki lehnoh GNLA. Na kane ka jaka ki pulit kila dang lap ksai shuh shuh ia kiba don ka jingiadei bad katei ka seng lehnoh.
