Shillong, Jylliew 17: U Deputy Inspector General jong ki shipai BSF, New Delhi, u U. K. Nayal, u la bethah ia ka tnad syntait jong ka Meghalaya Frontier ba kin long kiba peitngor bha ha kine ki sngi namar ka jingkhaii masi kan dang jur namar kane ka jingleniam Eid kala ha jan.
Haka meit sngi Thohdieng kala don ka jingioh kem masi haduh hynriew tylli ki jaka ha khappud bad ka Bangladesh bad kaba bun eh dei na Ganganagar kaba ia khap hapdeng ka South Garo Hills bad ka South West Khasi Hills District ha kaba la ioh ban kem haduh 55 tylli ki masi na kane ka jaka.
Na ka liang jong ki BSF kila iohi ba ki don kum b alai lane saw ngut ki briew kila hiar na ki thain sha neng ban leit sha Bangladesh bad ha kane ka por ki BSF kila khang kdong ia kane ka jaka hynrei namar ba kala dei ka por miet ki briew ki la ioh ban phet hynrei la ioh ban kem pat ia ki masi.
Ha ka meit sngi thohdieng ki BSF kila ioh kem masi na ki 6 tylli ki jaka ha khappud bad ka Bangladesh bad kane ka jingioh kem masi kala kot haduh 144 tylli bad haba khein kine ki masi kila shong dorbar palat ia ka 13 lak tyngka.
U P. K. Dubey, Inspector General, Meghalaya Frontier u la ai ka jingiaroh ia ki shipai BSF kiba don ha khappud ba dki lah ban kem haduh katne tylli ki masi bad u la bethah ba kin kham dang pynjur ka jingpahara ha ki khappud ha kine ki sngi ban dang wan.
