Shillong, Nailur 05: Ar ngut ki khynnah skul, kawei kaba dang phra snem bad kawei kaba dang shiphew snem kiba dang pule ha ka class four hapoh jong ka BSF School Umpling kila jah na katei ka skul bad haduh mynta ka sngi ym pat tip sha ei ki don.
Katkumk ka jingujor kaba la ai da kiba ha iing hapoh Rynjah Police Station , la ong ba kitei ki khynnah la ong ba mynnin ki dang leit sha skul ha ka por step hynrei kim shym la wan phai sha pat sha iing bad kane kala klumar ia ki kmie ki kpa.
Na ka liang jong ki kmie ki kpa mynta ka sngi kila leit ban ia kynduh ia ki bor ba pyniaid ia katei ka skul hynrei ym shym la ailad ia ki lad pathai khubor ban ia kren ha kaba ia dei bad kane ka jingjia hynrei na ka liang jong ki bor ba dei pait ia kane ka skul kila ong ba kin wad ia kine ki khynnah.
Katkum ka jingiathuh jong kiba ha iing ha ki pulit ki ong ba ki suba jur ba kane ka dei ka kam rah born a ka liang jong ki kmie ki kpa ki kyrpad ia ki paidbah ba lada don ba ia ki ia ki kin sngewbha ban pyntip lem sha ki pulit lane sha kiba ha iing.
