Shillong, Nailur 16: Mynta ka sngi ka seng People Democratic Front (PDF) kala pynlong ia ka jingialang paidbah ha Mawsynram ha kaba jan kot hajar ki paidbah kila ia tuid ban sngap ia kaei kaba ki nongialam jong kane ka seng thymmai ka don ban ong, khamtam u president jong kane ka party u dei na kane ka shnong bad ka Constituency.
Ha kane ka sngi kila don ruh shibun ki briew kiba la pyniasoh ia lade sha kane ka seng kaba thymmai ha kaba u MLA bad MDC jong ka Mawsynram Constituency u bah PN Syiem u ba long ruh u CEM jong ka KHADC un ia khun ia MLA Election ha u snem 2018 na kane ka party kaba thymmai.
Kane ka long ka jingialang paidbah kaba nyngkong hapoh ka Mawsynram Constituency ha dien ba la pynbna ba la seng bala suit la shor ia kane ka party kaba thymmai ka PDF. Ha kane ka sngi ba pynlong ia kane ka jingialang paidbah ka dei ruh ka sngi iew jong ka Iew Mawsynram.
Ki nongialam kiba la don ha kane ka sngi ki long u bah Ibanlumlang Marbaniang President jong ka seng PDF bad kiwei kiwei ki nongialam ia ka jingialang la pynlong ha Indoor Stadium jong ka shnong Mawsynram Dongneng.
