Shillong, Lber 25: U Bah Sanbor Shullai kyrtong jong ka BJP u la thep nomination mynta ka sngi ban ia khun ia ka MP ilekshon na ka 1-Shillong Parliamentary Konstitwensi, ha kaba la synranalang da u Bah AL Hek, u Bah Shibun Lyngdoh president jong ka BJP Meghalaya state Unit bad kiwei kiwei ki nongtrei party.
Haba kren ha ki lad pathai khubor ha dienb a la dep ban thep kyrteng u la ong ba ka CAB kala iap, kila pyrshah kum ka party la ai ia ka dorkhas sha u myntri rangbah duh jong ka Ri, u Narendra Modi. Ki paidbah ki dei ban pyrkhat jngai naduh u snem 1971 bala ioh ia ka jylla ki party bapher bapher kila ia kren wat ka ilelshon kila ia kren hynrei ki sah kut haduh mynta, long kumba ia leh khun jakai namar ki kular ha ka por ilekshon ki sah kut bad kumta shikumta.
Na ka liang jong u Bah Sanbor kum u kyrtong MP u buh ia ka jingkyrpad sha ki paidbah ba baroh shikatta ki la mad, mad noh mynta san snem bad ka BJP, kumba ka long mynta hapoh ka jingialam jong u Narendra Modi un wan kum u myntri rangbah duh jong ka Ri.
Kuma ka long ka jingkyrduh pisa hapoh ka jylla, don bok ba don lang ka BJP ha kane ka sorkar kaba mynta bad ka Delhi ka kaloi ban pynlait ia ka pisa, lada na poh Delhi kan nym pynlait pisa kan ktah ia ka tulop jong ki nongtrei, ki nonghikai kan hiar ka dei ka thied kan hiar ka kamai ka jih.
Ki paidbah kim dei ban shah pynthame tang ha ka por ilekshon ba ka BJP ka long kumta ka long kumne, kine ki long tang ki jingkynthoh ilekshon hynrei ha kaba khatduh pat mar sien dep ki kam baroh ki wan ban kdup lut bad ka BJP namar ki sngewthuh ba lada kam don ka BJP ka state kala iap, ong u Bah Sanbor kyrtong ka BJP.
Haba jubab ia ki jingkylli, u Bah Sanbor u la ong ba ym lah ban ong, hynrei kumba ka long haduh mynta da ki phew phew hajar klur ka sorkar BJP kala phah sha ka jylla. Kumba ka long ha kane ka MLA bala dep kila ong ba dalei lei kin nym ia trei bad ka BJP, hynrei ha ka 03/03/2018 por ar baje la dep ban niew vote por san baje pat kila wan lut bad ka BJP namar ki sngewthuh ba khlem ka BJP ym ioh pisa.
U bah Sanbor la ong ba ki paidbah ki dei ban sngewthuh shai, u la kyntu ia ki paidbah ba kin ai ka jingkyrshan ia ka BJP khang ba ia ki jingeh jong ki paidbah naduh ki nongrep, ka jingiakajia pud bad kiwei kiwei ki jingeh wad ba ka BJP mynta bad sa ia piet la ban biang u Bah Sanbor.
Haba ia dei bad ka jingiakhun ia kane ka ilekshon u la ong ba yn nym lah ban ong ei ei namar ka BJP ka dei na National party kaei kaei kaba rai ka rain as Delhi. Haba ia dei bad ki mat kiba dang sah naduh u snem haduh mynta ki dang sah kaba lah ban pynbeit dei tang ka BJP la kam u bah Sanbor.
Haba ia dei bad ka jingkular ban ong ba lada ka BJP ka wan ha ka por hapoh hynriew bnai kin pynlait ia u Dewiong, u Bah Sanbor u la ong ba ka BJP kam shym la ioh ha ka bor kila jop tang ar ngut ki MLA, bad lada ki paidbah kin pynjop ia u ka BJP ha kane ka kynti kaba mynta ym pat lait ia u dewiong na Meghalaya haba don ha ka por lah ban leh tang hapoh khyndiat por.
U Bah Sanbor u la ong ba,ki nongkhaii nongtrei dewiong kila mat ia ki jingeh mynta la bun bun snem, ban lait ia kane ka khlam ailad ia ka BJP, lada phi la mat ia kita ki jingeh balei ym lah ban kyrshan ia ka BJP, ia lad ia ka BJP ban pynlait ia kine ki jingeh ka kam u kyrtong MP ka BJP.
U Bah Sanbor u la ong ba bun ki samla ki long kiba khlem kam khlem jam, ban leh ia kane don kam ia ka sorkar ha Delhi, u la ong ba tang hapoh ka tnad pyniaid kali don kam shibun ki nongtrei ha baroh ki tnad jong ka sorkar ki don ka jingduna ki nongtrei, hynrei ban leh ia kane don kam ia ka pisa ban ioh ia kane ka pisa don kam ia ka kmie na Delhi, lada ki samla ki sngewthuh ia kane ki dei ban jied ia ka party ba lah ban don ha ka bor lada don ka jingkyrshan pisa na Delhi ka long kaba lah suda la ong u Bah Sanbor.
