Ka BJP kan pynieng kyrtong ha kane ka MDC ilekshon, yn nym ia trei lang bad kiwe: Shibun

Shillong, Nohprah 27: Ka party Bharatya Janata party (BJP) kala khot aplikoshon na ki kyrtong kiba kwah ban ia khun ia ka MDC ilekshon sha ki ar tylli ki iing dorbar jong ki District Council, ka KHADC bad ka JHADC bad ia ki kyrtong yn sa pynbna ha ka taiew ba ar jong u bnai kyllalyngkot 2019.

U Bah Shibun Lyngdoh President jong ka BJP Meghalaya State Unit haba kren ha u SP News Agency mynta ka jan miet u la iathuh ba ka party kala khot aplikoshon na ka bynta ki kyrtong ban ia khun ia kane ka MDC Ilkeshon ka ban sa long shen hapoh jong ka JHADC bad KHADC.

Na ka liang jong u President u la kren shai ba kum ka party kan nym iateh paralok bad kiwei ki party kan ia khun beit marwei, ia ki konstitwensi kim pat lah ban ong namar ka shong ha ki kyrtong ba kin sa pynieng ia mynta ym pat lah ban ong la kan pyniakhun ha baroh ki konstitwensi ne tang katto katne tylli ka shong ha ka jingdon ki kyrtong.

Ha ka juh ka por u la ong ba kum ka party ka hap ban pynkhlain ia la ka jong ka party ha kane ka jylla bad jingpyniakhun ia ka MDC kan long ruh kawei na ka jingpynkhlain ia ka party ha kane ka jylla Meghalaya, la ong u Bah Shibun.

What Next?

Recent Articles

Leave a Reply

Submit Comment

*