Jowai, Nailar 18: U president jong ka seng BJP u Bah Shibun Lyngdoh u la pdiang sngewbha bad pynrung ia u Bah Balios Swer, president ka Jaintia Coal Minner’s and Dealers Association ryngkat bad ki nongbut jong u kumba 200 ngut ei ei.
Ha kane ka sngi ba pyniasoh u Bah Swer sha ka seng BJP la don lang ka MDC ka kong Violet Lyngdoh u Doloi jong ka Elaka Rymbai bad ryngkat ki waheh Shnong ban ia sakhi lang ia kane ka sngi ba bun ki briew kila pyniasoh bad ka seng BJP.
Ha ka jingkren jong u Bah Shibun Lyngdoh ha kane ka jingialang u la ong ba hapoh ka sorkar BJP ka Ri India kala paw ha kiba bun ki liang la ka long ha ka pyrthei hi ruh baroh kawei bad ia kaei kaba ka sorkar BJP ka la leh na ka bynta ka roi ka par jong ka Ri baroh kawei.
Ha kane ka sngi u la ong ba bun na ki nongialam jong ka seng sain pyrthei kila kwah ban rung sha ka BJP bad kane kam dei tang na kawei ka seng hynrei wat ki nongialam jong ki seng riewlum ruh kum juh kila kwah ban pyniasoh bad ka BJP.
Ka BJP kan trei shitom ban pynthikna ia ka jingrem jong ka seng Congress ha ka election MLA 2018 ha kane ka jylla. Kumba ka long mynta ka seng BJP kala khlain ha kane ka jylla ban pynrem ia ka seng Congress.
