New Delhi, Lber 06: Ha kaba iadei bad ka jingkiew ki jingjia jong ki jingpynbna ia ki kam beainkum ka jingiathong bad khalai, ka Central Consumer Protection Authority (CCPA) ka la pyllait ia ka jingai jingmut ba pura.
Ka jingai jingmut, katkum ka Consumer Protection Act, 2019, ka mana ban ai jingpynbna, kyntiew bad ai bor ia ki kam beain ba la khang hapoh ki ain bapher bapher. La manatyngehia ka jingkhalai bad iathong hapoh ka Public Gambling Act, 1867, bad la kheinbeain ha kiba bun ki jaka ha kylleng ka ri.
Nalor kane, ki rynsan iathong online bad ki app ki bteng ban kyntiew ia ka jingiathong bad khalai, kumjuh ruh hapoh ka jingbuhrieh kum ki jinglehkai. Ki jingai jingkyrshan ia kum kine ki kam ka ktah ia ka pisa, ka imlang sahlang bad ka ioh ka kot, khamtam ia ki samla.
Ka jingai jingmut ka kdew ia ki sienjam jong ka Tnat Information and Broadcasting ha ka jingpyllait ia ki jingai jingmut bapher bapher sha ki rynsan media, da kaba maham pyrshah ia ka jingkyntiew ia ki rynsan iathong bad khalai. La maham ruh ia ki nongai jingpynbna online ba kin ym wanrah ia kum kine ki jingpynbna na ka bynta ki briew ha India.
Ka jingai jingmut ka kdew ba ka Guidelines for Prevention of Misleading Advertisements and Endorsements for Misleading Advertisements, 2022, ka khangia ki jingpynbna ia ki tiar lane ki jingshakri ba la mana hapoh kinokino ki ain.
Ka la ban biang ba ki kyndon ki long ia baroh ki jingpynbna, khlem khein ia ka lad jingpyndonkam bad maham ia ki khlur bad ki influencer ba kanokano kakam kaba don bynta ha ka jingkyntiew lane ai jingpynbna online halor ka jingiathong bad khalai, namar ka long kaba la kheinbeain, ka mut ba ki ruh ki iadon kti ha kine ki kam beain.
Lyngba kane ka jingpynbna, ka CCPA ka mahamiakanokano ka jingpynbna lane ka jingkyrshan ia ki kam kiba la mana da ka ain, kynthup hynrei ym dei tang ka jingiathong ne ka jingkhalai, ka dei ka ban shah peit bniah.
Lada lap ia kanokano ka jingpynkhein ia ki kyndon, yn pynshitomkatkum ka Consumer Protection Act, 2019, pyrshah ia kito kiba donkti, kynthup ia ki nongshna, nongai jingpynbna, nongpynmih ia ki jingpynbna, ki nongwanrah ia ki jingpynbna, ki rynsan social media, ki nongkyrshan bad kiwei kiwei kiba iadon bynta lang.
Ka Central Consumer Protection Authority ka kyntu ia baroh kito kiba don bynta ba kidei ban bud ia kine ki kyndon bad kiar na ka jingkyntiew ia ki kam kiba long beain hapoh ka ain jong ka ri.
Lah ban ioh ia ka jingai jingmut hangne https://consumeraffairs.nic.in/sites/default/files/file-uploads/latestnews/CCPA-1-1-2024-CCPA.pdf
