Shillong, Iaiong 30: U president jong ka BJYM u Bah Egenstar Kurkalang u la ong ba ka jingkynnoh jong u myntri ba dei peit ia ki kam pynroi sor ka dei tang ka jingtieng ia ka BJP, namar ki paidbah mynta kila sngewthuh bad pdiang ia ka BJP namar ki kam kiba ka sorkar BJP ka leh ka long mar khongpong bad ka jingsynshar jong ka seng Congress kiba bun sa tang ki jingshah kynnoh bamsap.
Halor ka jingiadei bad ka jingkylliang ia ka pisa ka long ba kane kala pyniarungkat kyrdan ha pdeng u ba dukb ad u ba riew spah, ha kaba baroh ki ioh ia ka juh ka jingiada khlem da don kano kano ka jingiapher ha ka imlang sah lang bad kane ka jingpynkylla ia ka pisa ka ai ia ka hok kaba mar kum juh ha pdeng kiba duk bad kiba riew spah.
Halor ka jingkynnoh ba ka don ka jingeh ban thied ia ka dawai sboh Uriah, u tei u nongialam jong ka BJP u la ong ba u MLA jong ka Mylliem u dei ban jubab sha ki nongrep jong ka jylla, ha kaba u myntri rangbah ka jylla u Dr Mukul Sangma u bat hi ha lade ia ka tnad ka rep ka riang. Namar dei ha u snem 2014 ba ia ka jingiarap ban thied sboh dawai bad ia ki symbai la pynduh ha ka por jong ka sorkar Congress.
Ka sorkar Congress ka la leh mar khongpong, ia ka dawai sboh Uriah ha ka jaka ban die T.500 tyngka 50 kilo la die pat T.530 ha ka 50 kilo la ther kylla u tei u nongialam jong ka BJYM. Ha u snem 2015 ka sorkar pdeng ia kala wan rah ia ka policy kaba thymmai ha kaba ia dei bad ka dawai sboh Uriah, ha kaba la ai ia ka jingiarap sha ki nongrep ha kaba ia ka dawai sboh Uriah dei ban die sha ki nongrep ha ka T.282 tyngka ha ka 50 kilo, ha u Naiwieng 206 ka sorkar pdeng kala mang 2000 metric tons ka dawai Uriah sha ka jylla Meghalaya bad dei ban die ia ka ha ka dor T.282 tyngka na ka bynta 50 kilo, hynrei kaba sngewsih ka long ba ka sorkar jylla kala kyntiat ban pdiang ia kane.
La ong ba kane baroh ka dei ka jingkhynniuh jong ka sorkar Congress namar shen ka BJP kan sa sei madan ia ki kam kiba kane ka sorkar Congress kala leh , u tei u nongialam jong ka seng Congress u la dei ban ai ka jingiaroh ia u myntri rangbah duh jong ka Ri ia ki kam kiba la u la trei na ka bynta jong ki paidbah ka Ri la ong u Bah Egenstar Kurkalang President BJYM haka jingpynlait khubor mynta ka sngi.
