Shillong, Jymmang, 4: Ka jingthoh pyrshah ia ki longkmie bad kynthei khasi kaba la mih ha ka website jong ka loopoocoo ka long pyrshah ia ka jaitbynriew hi baroh kawei. Ka KHNAM State Youth Wing ka pynrem ia kane ka jingthoh kaba long ka jingtim lang baroh, bad ki lad pathai khubor ki bymdei na nake ka jylla bad ki bym don ka jingtip ba bniah kim dei ban thoh lamler khlem da tip bha.
Kane ka jingthoh kaba la thoh “Meghalaya hear women have freedom, they can marry many men” da kaba buh ruh ia ka dur jong ar ngut ki kynthei ki ba don ha ka raim shad suk mynsiem ka la pynhiar dor ia ki khynthei, longkmie bad ruh wat ia ka riti dustur jong ngi kum ki hynniewtrep.
Ka seng ka dawa ba ka DIPR kan thoh ka jingpyrshah sha ka press council of India halor kane khnang ba kiwei kin ym nud ban thoh lamler shaphang kiwei pat ki jaitbynriew. Thomas Passah
