Shillong, Iaiong 26: Ka Election Commission jong ka Ri India mynta ka sngi kala pynbna ba ia ka election shiteng samoi hapoh jong ka Ampati Konstitwensi yn pynlong ha ka 28 tarik jong u bnai Jymmang u ban wan bad ka jingniew vote kan long ha ka 31 tarik jong u juh u bnai.
Ka jingsdang ban thep ia ki nomination kan sdang ha ka 3 tarik Jymmang bad kan kut haka 10 tarik bad ka jingbisahr bniah ia ki kot ki sla kan long ha ka 11 tarik bad ka sngi ba khatduh ban weng na ka jingiakhun kan long ha ka 14 tarik u juh u bnai.
Ka jingpynlong ia ka elelction shiteng samoi ha Ampati ka dei na ka daw ba u Dr Mukul Sangma u la hiar shuki noh kum u MLA jong kane ka jaka ha dien ba u la jop ha ka election na ki ar tylli ki jaka, na Songsak bad Ampati.
